عزيزى القارىء فى هذا الكلام اتحداك ان تفهم ما المراد منه لانى نفسى مش عارف ايه اللى انا كاتبه ده أو عبارة عن ايه او يندرج تحت بند ايه كل حاجة هنا متلخبطة مش مرتبطة ببعض نهائيا لا فكريا ولا تاريخيا وفى بعض من الكلام هيصدم ناس فيا لكن أهى لحظة بكتب فيها كل اللى جه فى دماغى الكلام ده عبارة عن كلام لكن مش اى كلام لكنه فى الاخر اسمه كلام ....
فاكرين عمنا صلاح جاهين لما كتب تركى بجم يشتم فيها التركى ويعظم العربى قال فى جزء منها
سيكتير زمان .. سيكتير كمان
ادخل ح نضرب فى الملان
خليك تقول انا جلفدان
ولا ينفعوك الامريكان
فينك دلوقتى ياعمنا الحال اتقلب لدرجة انه كان زمانك ولعت فى القصيدة بجاز غزيا وعارا حلوة غزيا ديه , الراجل ابن الكلب دقنه زى الزعافة واصلة لصدره وفى ايده القرأن وبلسانه بيقره وبالأيد التانية ماسك فى الحديد فى المترو وبوسطه زانق صبية فى ليلة صيام ولا كأنها ليلة الدخلة آه ياشيخ ريشة يا ابن الكلب , هو ليه سموا محطة رمسيس فى المترو حسنى مبارك هه اشمعنى بعد ماشالوا عمنا رمسيس من مكانه وضحت الرؤية لما يمسك جمال هيحط تمثال لأبوه بس صدقوا فى حاجة برضه انا اول النفق والضلمة والعتمة مبارك ولا يمكن تطلع من النفق والضلمة من غير لما تعدى على أبطالنا واحد واحد مبارك واحمد عرابى وعبد الناصر والسادات وسعد زغلول كلهم فى النفق , ليه الستات بتركب عربيات الرجالة فى المترو ومش بتاخد غرامة واحنا لو عملناها عن دون قصد نكع فلوس , أنتوا مالكوا ومال فلسطين ماتسيبوها بقى مزهقتوش هى زهقت منكوا عارفين ليه لأنكم كلكم بتاجروا فى قضيتها من اول حماس لفتح لمجلس الامن للحكومات العربية وملوك العرب واحنا كمان بنتاجر فيها سيبوها بقى فى حالها ديه فلـــــــس طيــــــن اولها فلس واخرتها طين على دماغكوا , يعنى ايه لما الواحد يبقى قاعد فى اكبر مدينة صناعية فى البلد ومش لاقى فيها شغل , لو لم أكن اسرائيليآ لوددت ان أكون اسرائيليآ بلد أديلها 70 سنة عملت اللى معملتهوش بلد أديلها 7000 سنة ومتقليش انت كده بتعترف بالكيان الصهيونى والكلام الفاضى ده حكومتك معترفة بيه بأمارة الكويز والغاز والمعاهدات والاتفاقيات يعنى بلاش نضحك على نفسنا وييجوا فى الاخر يضغطوا على اسرائيل بورقة الاعتراف بيها اذا انسحبت بلا هبل ماهى بتعمل معاكوا كل حاجة من غير ماتنسحب احنا اتعودنا نضحك على نفسنا لحد مانفسنا بقت بتضحك علينا بلا وكسة , والنبى يا استاذ وحيد ظبطنا شوية ده احنا غلابة ومتبهدلين فى الاعلام على الاخر وطلع ولاد الكلب دول فى اوسخ صورة عايزين الناس بعد الصيام تنزل تولع في الاخوان بجاز بس كده ياباشا حاضر من عينيا بس كتر الياسمين شوية فى الشاى ده انا بعملك شغل على نضيف فلتسقط الشلة { الجماعة } , ما الفرق بين اليهودى والصهيونى حد يقدر يفرق , اول ما الجو يقلب فجأة وينزل مطر فى غير اوانه مع شوية برق ورعد الناس تجرى فى الشوارع وتقول امريكا واسرائيل اتحكموا فى الطقس بغاز جديد بيرشوه فى الجو بالطيارات اسمه الكيمتريل , لما الريس يمرض شوية مؤشر البورصة ينزل 4,5% امال لو مات هنقفلها امال ايه ماهو رابط المؤشر على قلبه ده الريس ياولا , فى مصر بس مقدمين البرامج بيغسلوا دماغ الناس بيتكلم مع احد المواطنين متضرر من البلطجة يقولوه الداخلية هتجيبلك حقك ده احنا عندنا قانون طوارىء يافرحتى , ايها المواطنون هذه هى اماكن التطعيم الوقائى المجانى { خد بالك من كلمة مجانى ديه } من مرض سرطان الرئة فى سيتى ستار الزمالك المهندسين مدينة نصر المعادى ده على اساس ايه بقى ده اللى محتاج العلاج ده ميعرفش يروح الاماكن ديه , لما الريس يعاشر الالمان الملتزمين كام اسبوع يتعدوا منه فى التصريحات الكاذبة هيطلع النهاردة لاء هيطلع بكرة هيطلع النهاردة لاء هيطلع بكرة , رئيس الوزرا بتاعنا عايز يتجوز بعد ماضاع العمر عودة الشيخ الى صباه , احنا البلد الوحيد اللى بيصرف امواته على احيائه الفراعنة والاحياء بيسرقوه من بعض , الاهلى والحزب الوطنى وجهان لعملة واحدة , القناة الاولى والمصرية اللى هما التليفزيون المصرى اللى دستوره بيقول اننا دولة اسلامية بيبقوا مش عايزين يجيبوا الاذان بيجيبوه بالعافية عشان الاعلانات ولا بيجيبوه الشعراوى ولا اى حد من الشيوخ اللى خلا دريم القناة الخاصة بتقعد ساعة قبل المغرب تجيب الشعرواى وشيوخ تانية وقرأن , اصبحنا فى العالم الافتراضى الذى يسيطر عليه الانترنت اصبحت الصداقة تحدث بكبسة زر ياخوفى احسن تبقى البوسة كمان انيموشن بس وتتحول الى افتراضى
