عايز اموت

انا ليا أمنية نفسى انها تتحقق نفسى اموت وانا صغير أمنية غريبة صح 

هى فعلا غريبة لكن لما تعرفوا سبب الكلام ده مش هيكون فى حاجة غريبة انا عايز اموت وعمرى 30 او 35 سنة بالكتير مش  اكتر من كده مش عايز اكبر فى السن ويجيلى الشيخوخة  والزهايمر وامراض المفاصل والتورمات واكون عالة على حد لأن مفيش حد بيستحمل حد ولو لساعة ولو حصل وحد استحملك يوم مش هيستحملك التانى ومسيرك فى يوم يأما تطرد فى الشوارع او تترمى فى دار للمسنين معفن تتمنى الموت فيه كل دقيقة بتعدى عليك 

عايز اموت قبل ما اكبر لأن مفيش حد بيحترم الكبير ولا بيعطف عليه او يشوف طلباته اللى مش بتنتهى 

عايز اموت وانا فيا من الصحة ما يكفينى 

عايز اموت قبل ما اصاب بأمراض الشيخوخة السكر الضغط الروماتيزم الزهايمر التبول اللاارادى واكون غير مقبول من الجميع والكل قرفان منى ومشمئز ويدعون فى االسر والعلن امتى ربنا يخلصهم منى او يكونوا عايزين يولعوا فيا جاز 

وبرضه عايز اموت لأنى مبحبش اكون فى موقف الضعيف 

او اكون منتظر ده او بتحايل على ده لأبسط حقوقى وانى اموت فى هدوء وسلام وراحة 

مش عايز اكون منسى من الجميع بعد ما كنت الغائب الحاضر 

مش عايز اكون منسى حتى اتصل انا بهم واقول لهم ها أنا هنا أنسيتمونى افكرهم بأنه يوجد انسان يريد ان يسأل عليه اى شخص مهما كان 

مش عايز ابكى قبل النوم وابلل وسادتى وانا اتذكر ايام شبابى وقوتى واقارنها بما انا فيه من ضعف ونسيان 

فهل طلبى المسبب هذا غريب ؟؟ ام معقول ؟؟