البنك الاهلى

كل ما اعدى على البنك الاهلى ...

أقول يخرب بيت أهلى ...

اللى ماسابولى جنيه فى البنك الاهلى ...

سابونى ابص لحال الناس ... 

التعبان والمحتاس ...

 مش مهم انا حالى ايه ... 

فى دنيا سيدها هو الجنيه ...

تبص تلاقى ناس تكسب من غير تعب ...

وناس تتعب وتاخد قلة أدب ...

زى البيه...

دخل البيه...

دخل خمارة... 

ولع للهانم... 

سيجارة بعشرة جنيه ... 

شوفت الهانم كسبت ايه...

وشوفت البيه خسران ايه...

دنيا عجب...

ناس بتكسب من غير سبب...

وناس بتتعب ومفيش أدب...

وأقولك ايه ولا ايه ولا ايه ...

صعبان عليا ناس كتير...

من الغفير للوزير ...

الوزير كسب ايه ...

بعد ما ملا جيوبه البيه...

ناس كتير بتدعى عليه ...

شوف فى الأخرة هيحصل ايه ...

والغفير يا ولداه...

حارس أمين على اللى وراه...

وفى الدنيا اخد أيه ...

يمكن فى الأخرة ربه ينعم عليه ...

وديه أحوال ناس كتير...

فى بلد نظيف فيها وزير...

تيجى الدنيا نضيف...

وتعيش فيها نضيف ...

 وهتخرج برضه نضيف ...

هى ديه فايدة نظيف ...

والقطنة مبتكدبش ...