ياعبد الواحد
روح صحى واحد
من الناس النايمين
لأجل مايشوف العذاب والطين
ويشوف حكم العسكر والجلادين
ويشوف ناس ثابتين
ومش ساكتين
ومع المهانة صامدين
لأجل ترابها وطينها
لأجل مايتباعوا للوسخين
ويشوف الخداع والكدب
بعيون حاكم قاعد فى عابدين
وكلام تسكين
بأسم الدين
مسيحى او مسلم لكنهم متأسلمين
وحب وهيام ضايعين
للوطن فى عيون عاشقين
لأجل مايشوف الخيبة
والكلام الويبة
ياعبد الواحد
قول للواحد
اللى جبته من الناس النايمين
أحنا طريقنا مش واحد
هو ساكت للشياطين
وأنا كلامى زفت وطين
للناس الواطيين
اللى ضربونا فى ضهورنا
وقالوا علينا ناقصيين
لكنهم اللى ناقصين
شجاعة وأدب ودين
ياعبد الواحد
روح نايم الواحد
مع بقية النايمين
لأجل مايشوفوا الدنيا
فى عيونهم مرسومة
بريشة فنان فى قصر عابدين
وكلام معسول من أفواه مجانين
لكن اذا فكروا يصحوا
هيلاقوا اخواتهم صاحيين ومستنين
لكنهم للأسف
ميتين
2 comments:
جميله بجد
شكرا ليكى ياخديجة والحمد لله انها عجبتك
Post a Comment